Од ноќеска на полноќ се зголемуваат цените на нафтените деривати, во просек за 1,22 отсто, информираше Регулаторната комисија за енергетика и водни услуги (РКЕВУ).
Цените на бензините ЕУРОСУПЕР БС – 95 и ЕУРОСУПЕР БС – 98 се зголемуваат за еден денар по литар и од вечерва ќе изнесуваат 82,5 денари, односно 84,5 денари за литар.
За еден денар поскапува и Екстра лесното масло за домаќинство кое ќе се продава по цена од 78 денари за литар.
Дизел горивото ќе поскапи за половина денар, па од ноќеска литар Еуродизел ќе чини 78,5 денари за литар.
Се зголемува и цената на мазутот кој ќе се продава за 41,988 денари за килограм.