Насер Ештрефи (19), обвинет за убиството на матурантот Ангел Петковски, бил свесен за делото што го извршил, изјавил психологот, кој на денешното рочиште давал свое мислење за писхичката состојба на обвинетиот, пренесува „Плусинфо“.
И во првото вештачење беше утврдено дека обвинетиот бил свесен за настанот и за делото, но одбраната не го прифати тој наод и бараше ново мислење.
Убиството на матурантот Ангел Петковски се случи на 19 мај минатата година, во населбата Ѓорче Петров.
Според обвинението, Ештрефи, кој е од скопското село Грчец, се обидел да украде велосипед од домот на Петковски, но откако бил забележан, побегнал. Тој подоцна бил пресретнат од Ангел и од неговиот татко, по што се случи убиството.