На новинарите денеска им беше оневозможено, односно не им беа обезбедени соодветни услови за следење на рочиштето од судскиот процес за настаните во кумановско Диво Насеље од 9 и од 10 мај минатата година.
Од судот велат дека поради безбедносен ризик и ограничен капацитет на судницата, во неа има место само за четири-пет новинари.
Претходните две рочишта се одржаа во големата сала на Врховниот суд, но за денеска од судот соопштија дека не можат да ја отстапат салата поради реновирање.
Новинарите што беа пред Основниот суд Скопје 1, решија да не направат компромис и никој да не влезе во судницата. Во судницата влегоа само снимателите и фоторепортерите за да направат инсерти.
На денешното рочиште исказ треба да дадат четворица сведоци на Обвинителството, според наши сознанија, жители на Диво Насеље.