Свет Балкан Неколкучасовна масовна тепачка во мигрантски камп на Лезбос

Неколкучасовна масовна тепачка во мигрантски камп на Лезбос

Најмалку седум мигранти се повредени во тепачка во прифатен центар за мигранти на островот Лезбос, соопштија денеска властите.

Полицијата соопшти дека масовната тепачка меѓу Арапи и Курди во кампот Морија се случила викендов, ноќта меѓу сабота и недела. Инцидентот траел неколку часа, при што неколку шатори во кампот се запалени.

Активистите за заштита на човековите права и властите на Лезбос веќе подолго предупредуваат на лошите услови во кампот за мигранти, кој веќе со месеци нема капацитет да ги задоволи потребите на стационираните.

Според договорот ЕУ – Турција, за запирање на нелегалната миграција, мигрантите кои доаѓаат на грчките острови остануваа се додека не се разгледаат нивните барања за азил.