Најмалку 93 лица починале во текот на минатата недела како последица од топлотниот бран кој го погоди Египет, а високите температури се очекуваат да продолжат и во наредните денови.
Пораст на температурите се очекува во недела, а во Каиро според прогнозата за метеоролозите, максималната температура ќе достигне 42 степени.
Поголемиот дел од жртвите на топлотниот бран се стари луѓе. Меѓу нив има и тројца пациенти од една психијатриска болница и тројца затвореници од еден затвор, северно од Каиро.
Оваа недела на југот во Египет температурите се искачиле до 46 степени.
Министерството за здравство во средата соопшти дека 581 лице е примено во болница поради исцрпеност од топлина, а 204 лица останале на болничко лекување.