Британската премиерка Тереза Меј денеска и официјално го прогласи излегувањето на Велика Британија од Европската Унија во согласност со членот 50 од Лисабонскиот договор.
– Во согласност со желбата на народот, Велика Британија ја напушта Европската Унија. Ова е историски момент и повеќе нема враќање – изјавила Тереза Меј во обраќањето во британскиот парламент.
Откако соопштила дека и официјално почнал Брекист, изјавила дела се залага за „нова, подобра и подлабока врска со ЕУ“. Таа, исто така, истакнала дека напуштањето на Унијата, на Британија ќе ѝ отвори други можности.
Меј ги повикала Британците да останат единствени за да се осигури најдобар договор за нивната земја. Велика Британија, како што додала, ќе остане посветен партнер на Европа и нејзин сојузник.
Меј укажала на тоа дека Велика Британија ќе преговара со ЕУ како единствена целина, но и дека ќе се земат предвид ставовите на сите делови на Обединетото Кралство.