Демократската партија на САД официјално ја номинираше Хилари Клинтон за свој кандидат на претседателските избори, закажани за ноември годинава. Првпат во историјата на САД, фаворит во трката за Белата куќа е жена.
Поранешната државна секретарка утре треба официјално да даде согласност дека ќе биде кандидат на демократите на претстојните избори.
Клинтон на партискиот конгрес во Филадејфија доби поддршка од мнозинството од делегатите и го мина прагот од 2.382 гласови, кои беа потребни за нејзино номинирање.
Поранешната прва дама како противкандидат за Белата куќа ќе го има републиканскиот кандидат, милијардерот Доналд Трамп.