Џихадистичката милитантна организација Исламска држава денеска ја презеде одговорноста за вчерашниот напад со автомобил-бомба во шиитскиот ирачки град Басра, во кој загинаа најмалку 10 лица.
ИД преку твитер-профил кој е поврзан со групата соопшти дека го извршила вчерашниот напад, кој беше дел од низата бомбашки акции ширум Ирак, во кои загинаа најмалку 56 лица.
Засега не е проверена автентичноста на соопштението, но е формулирано на начин кој личи на Исламска држава.
Екстремистичката организација контролира голем дел од северот и од западот на Ирак, вклучувајќи го и вториот по големина град Мосул и најголем дел од провинцијата Анбар.