Илјадници граѓани во Тел Авив и во 17 помали градови во Израел синоќа протестираа против премиерот Бенјамин Нетанјаху, пренесува „ХРТ“.
Демонстрантите потсетиле на низата истраги поврзани со корупција што се водат против израелскиот премиер.
Со песни и транспаренти со неговиот лик, како и пораки дека местото му е во затвор, демонстрантите го прозвале и главниот државен обвинител на Израел, тврдејќи дека го штити Нетанјаху наместо да подигнува обвиненија против него.