Кривичниот суд на 6 декември го закажа првото рочиште за случајот „Траекторија“ на СЈО, во кој обвинети се експремиерот Никола Груевски и ексминистрите Миле Јанакиески и Владимир Пешевски, за злоупотреби при изградбата на автопатиштата Миладиновци – Штип и Кичево – Охрид.
Во случајот „Траекторија“, обвинетите се товарат за злоупотреба на службената положба и овластување и дека му нанеле штета на државниот буџет од најмалку 155 милиони евра и за истиот износ на компанијата изведувач ѝ овозможиле да стекне имотна корист.
Актуелниот лидер на ВМРО-ДПМНЕ и поранешен премиер Никола Груевски во истиот предмет е обвинет за примање награда за противзаконско влијание.
Кривичниот суд закажа и два дополнителни датуми за ова судење – 18 и 26 декември.