Германската влада одлучи повторно привремено да активира три електрани на лигнит во периодот од октомври до март 2024, известува Блумберг.
Истата практика беше применета и претходната зима.
Оваа одлука е донесена за да се зачува земен гас, за да не дојде до недостиг на струја во следната грејна сезона.
Според Ројтерс, недостигот на гас кој се компензира со оваа мерка е директна последица на скратувањето на увезениот гас од Русија по војната во Украина.
Со оваа мерка, ќе се задржи доволно лигнит во резерва за да се произведат околу 1,9 гигавати струја, надвор од постојните 45 гигавати произведени од електраните на јаглен во Германија.
Инаку, горењето лигнит е еден од најштетните начини за произведување струја во однос на импактот по климатските промени. Но, германската влада изјави дека оваа одлука нема да има никакво влијание ниту врз климатските таргети, ниту врз целта на Германија целосно да престане да гори јаглен до 2030 година.