Околу милион Филипинци бараат засолништа во црквите, училиштата и во другите привремени центри за евакуација поради тајфунот „Хагупит“ (Руби) кој се приближува кон земјата.
Тајфунот, кој се проценува дека ќе биде најсилниот што годинава го зафатил овој архипелаг во Југоисточна Азија, ќе погоди повеќе од половина од населението, вклучувајќи ги и заедниците кои минатата година беа уништени во супертајфунот „Хајан“.
Ahead of Super Typhoon #Hagupit, residents of the Philippines rushed to stock up & take cover: http://t.co/y6Sp95AAUb pic.twitter.com/NnMH7eF29p
— CNN (@CNN) December 5, 2014
Филипинските власти соопштија дека милиони луѓе се собрани во центрите за евакуација, бидејќи се очекува „Хагупит“ вечерва или во текот на утрешниот ден да ја погоди областа. Тајфунот „Хагупит“ е значително ослабен, поради што премина од категоријата супертајфуни во тајфуни. Тој во моментов се движи кон Филипините со брзина од 195 километри на час.
600,000 Filipinos flee as typhoon #Hagupit blows near http://t.co/uFSoHSL4zT #HagupitUpdates pic.twitter.com/qVyy8BRkKJ
— MSN News (@MSNNews) December 6, 2014
Минатата година во ноември, тајфунот „Хајан“ ги погоди Филипините со брина од 315 километри на час, при што загинаа 7.350 лица.