Двајцата пилоти на „Јунајтед ерлајнс“ се уапсени на аеродром во Глазгов под сомнвање дека биле пијани пред да влезат на летот со 141 патник од Шкотска кон САД.
Претставници на „Јунајтед ерлајнс“ потврдија дека дваjцата пилоти, едниот 45-годишен, а другиот на 35-годиша возраст, биле уапсени вчера на аеродромот во Глазгов.
Шкотската полиција наведе дека се очекува тие в понеделник да излезат пред суд и да одговараат на обвинението поврзано со британските закони за безбедност на сообраќајот.
Авионската компанија соопшти дека вчерашниот лет од Глазгов за Њујорк доцнел 10 часа, додека се барало замена за уапсените пилоти.
Овој инцидент се случи еден месец по сличен инцидент, во кој двајца канадски пилоти на компанијата „Ер трансат“ беа уапсени на аеродромот во Глазгов под обвинение дека се обиделе да летаат под дејство на алкохол.