Двајца албански војници се повредени спречувајќи двајца руски и еден украински државјанин кои се обиделе да влезат во фабрика за воена опрема во централна Албанија,јавија балканските новински агенции.
„Тројца државјани со руски и украински пасош се обидоа да влезат во фабриката. Војниците кои ја обезбедуваа фабриката одговорија без одлагање, но при нивните напори да ги спречат тројцата странци, двајца војници беа повредени“, соопшти на 20 август албанското Министерство за одбрана.
Уапсени се тројца странски државјани, додаваат од Министерството.
Во близина на кругот на фабриката бил пронајден непознат државјанин со камера во раката, кој се обидувал да ги фотографира објектите.
Во моментот кога двајца војници кои го обезбедувале објектот го забележале и му пришле да го застанат и да го уапсат, странскиот државјанин возвратил со анестетик во спреј, но војниците кои го обезбедувале погонот успеале да го совладаат, објаснуваат од полицијата.