Три милиони мигранти се очекува да пристигнат во Европа до 2017 година, преку медитеранските земји, што претставува рекорден прилив, соопшти денеска Европската комисија (ЕК), пренесува „Би-Би-Си“.
Според извршното тело на Европската унија (ЕУ), приливот на мигранти ќе има „мал, но позитивен“ ефект на екомијата во ЕУ и според прогнозите, ќе предизвика пораст на БДП од 0,2 до 0,3 отсто.
Прогнозите на ЕК велат дека со приливот на мигранти популацијата во ЕУ ќе се зголеми за 0,4 отсто.
Според Обединетите нации (ОН), бројот на сириски бегалци што доаѓаат во Европа засега не бележи намалување и покрај условите во Егејско Море, кои се влошуваат со почетокот на зимата.
„Ова е сега глобална одговорност, но особено е одговорност на Европа“, ја пренесува „Би-Би-Си“, изјавата на Питер Садерленд, специјалниот претставник за миграција на генералниот секретар на ОН, Бан Ки-мун.