Го осудувам насилството од секој облик, физичкото насилство врз пратениците, насилството кое го доживееја и граѓаните и насилството врз процедурите, деловникот, законот и Уставот, изјави техничкиот премиер Емил Димитриев, кој апелираше на смиреност и на разумност кај сите политички партии и граѓани.
– Би сакал повредените што побргу да оздрават и враќање на состојбата во нормала. Го осудувам интонирањето на странска химна во Македонија, го осудувам изборот на незаконското избирање на претседател на Собранието и ускратување на правото на пратениците и овие две работи претставуваат грубо нарушување на правото на владеење. Ваквото незаконско постапување во Собранието треба да биде поука за сите дека во иднина не треба да се преземаат останати неделовнички, незаконски и изнасилени чекори во Собранието – рече Димитриев.
Техничкиот премиер истакна дека не се согласува со обидот на министерот за внатрешни работи Агим Нухиу да персонализира некаква наводна одговорност во директорот во Бирото за јавна безбедност, Митко Чавков, и во полициските професионалци и додаде дека тие ја имаат неговата доверба и почит.