Посвежо време со умерен до засилен северен ветер се очекува денеска во земјава. Претпладнево ќе биде умерено облачно, а попладне облачноста ќе се намалува.
Минималната температура се спушти меѓу 8 и 16 Целзиусови степени, а максималната ќе достигне до 25 степени.
Во Скопје слично време со утринска температура до 11 степени и дневна до 21 степен.
За време на викендот и в понеделник синоптичарите најавуваат стабилно време со ниски утрински температури, кои на места ќе бидат околу нулата. Веќе од вторник се очекуваат нови врнежи од дожд.