Владата на Република Македонија на вонредна седница донесе одлука денеска и утре да бидат денови на жалост по повод загинувањето на припадниците на безбедностите сили на Министерството за внатрешни работи во полициската акција за откривање и за разбивање на поголема вооружена терористичка група во Куманово.
На деновите на жалост, знамето на Република Македонија ќе биде истакнато на половина копје.
Агенцијата за аудио и аудиовизуелни услуги ќе испрати насоки до медиумите за содржината на програмата за време на деновите на жалост.