Четворица од шесттемина мажи што во петокот беа уапсени во Брисел се обвинети за терористички дела.
Во групата е и клучниот осомничен Мохамед Абрини, кој исто така беше баран во врска со нападите во Париз, во кои загинаа 130 лица во ноември минатата година.
Тој пред обвинителството сам признал дека е „човекот со шапка“, виден од видеонадзорот пред експлозиите на аеродромот во Брисел на 22 март.
Во нападите на аеродромот и на метро-станицата во Брисел загинаа 32 луѓе .
Покрај Абрини, другите обвинети се именувани како Осама К, Ерве Б.Н., и Билал Е.М. Тие се обвинети за учество во терористички акти поврзани со бомбашките напади во Брисел.