Бројот на загинатите од земјотресот што минатата недела се случи во Еквадор се зголеми на 654 лица, а исчезнати се 58.
Владата соопшти дека 113 луѓе се најдени живи во урнатините, а повеќе од 25.000 луѓе и понатаму се наоѓаат во засолништа.
Земјотресот во Еквадор по бројот на жртвите е најсмртоносен во Јужна Америка од 1999 година, кога во Колумбија загинаа повеќе од 1.000 луѓе.
Стотина последователни потреси се случија од минатата сабота во Еквадор, чии жители спијат надвор и се борат да дојдат до храна и до вода.
Претседателот на Еквадор, Рафаел Кореа, изјави дека земјотресот предизвикал штета од три милијарди долари и дека обновата ќе трае со години.