Ескалаторот во еден трговски центар во Хонгконг нагло го сменил правецот на движење, што предизвикало општа паника кај купувачите. Епилогот од ситуацијата е 17 повредени, од кои еднo лице потешко, пишува „Дејли меил“.
Откако ескалаторот, долг 45 метри нагло ја сменил насоката и забрзал, речиси сите се поместиле кон лево и се фатиле за заштитната ограда, што предизвикало луѓето да паднат еден врз друг. Објавена е и снимка од инцидентот.
– Слушнавме врескање. Подвижните скали забрзано се движеа надоле. Луѓето почнаа да паничат и да паѓаат – велат очевидци.