Зоран Трифуновски е нов в. д. директор на Јавното претпријатие за железничка инфраструктура „Железници на РСМ – Скопје“, одлучи Владата на вчерашната седница.
Трифуновски доаѓа на местото на досегашниот директор Хари Локвенец, кој вчера изјави дека поднел оставка од функцијата. Причините за оставката, како што изјавил Локвенец за МИА, ја поднел од лични причини.
„Владата заклучи да му препорача на Управниот одбор на ЈП за железничка инфраструктура ‘Железници на РСМ – Скопје’, да го разреши Хари Локвенец од должноста директор, на негово барање“, гласи вчерашната одлука на Владата.
Хари Локвенец беше на директорската позиција на ова јавно претпријатие од ноември 2020 година, а претходно беше пратеник.