Земјотрес со јачина од 4,5 степени според Рихтеровата скала ја потресе Јанина, на северозападот на Грција, јавуваат грчките медиуми.
Грчката сеизмолошка агенција објави дека станува збор за повратен потрес и оти нема причина за загриженост.
Земјотресот се почувствувал во регионот на Епир, Крф и на Лефкада.
Потресот е регистриран околу половина час по полноќ, на длабочина од 10 километри.
Пред пет дена, земјотрес со јачина од 5,7 степени го погоди регионот на грчко-албанската граница, а епицентарот се наоѓал на 12 километри северизападно од градот Јанина.