Шпанската полиција одзела 5,8 тони кокаин, што е најголема заплена во последните 18 години, соопшти денеска шпанското министерство за внатрешни работи.
Дрогата е откриена во контејнер на брод, кој впловил во шпанско пристаниште од Меделина во Колумбија, а притоа се уапсени три лица, меѓу кои и директорот на увозната компанија.
Полицијата соопшти дека уште најмалку две лица се под истрага, а планирани се уште апсења.
Бродот, кој превезувал банани, бил запрен кај Алхесирас на 28 ноември, а вредноста на дрогата на црниот пазар се проценува на 210 милиони евра.
Догата била спакувана во пакети од еден килограм и била означена за евентуална дистрибуција кон бројни дестинации и организации, соопшти шпанското МВР.