Премиерот Зоран Заев преку видеообраќање денеска ја повика опозицијата да биде конструктивна и да ги поддржи новите законски измени на законот за јавното обвинителство, со кој СЈО треба да стане одделение на главното обвинителство.
„Ние сме пред конечниот чекор за ослободување на правосудството од стегите на режимот кој е зад нас. Огромна е одговорноста кај политичките субјекти во оваа борба за правната држава. Но, најголема одговорност има партијата што и донесе неправда на земјата и Мицкоски како прв човек на таа партија. Знам дека вие, граѓаните сте изморени од политички бојкотирање и одлагања и дека барате одлучни чекори. Затоа јас ќе продолжам уште порешително да ја повикувам и убедувам опозицијата да ги поддржи реформите“, порача Заев.
Тој го повика Јавното Обвинителство „да продолжи, до последно во оваа борба, без разлика до кого ќе стигне низ истрагата“.