Претседателот на СДСМ, Зоран Заев, испрати соопштение за јавноста до светските медиуми, во кое ја поздрави одлуката на водечките банки во врска со еврообврзницата за чијашто противзаконска и штетна реализација алармираше СДСМ.
– Денес, владеењето на правото во Македонија не постои и ова е добро документирано. Менаџерите и инвеститорите не можат да се потпрат на каква било одлука од Министерството за правда, бидејќи истото ова министерство е корумпирано од истите политичари кои поднесоа оставка од своите функции поради наводите за корумпирано и криминално однесување. Јавна тајна е дека истите тие политичари продолжуваат да ги влечат конците зад сцената – се вели во дописот на Заев до странските медиуми.
Тој потсетува дека банките и инвеститорите не можат да се потпрат на мислењето на Министерството за правда за законската правичност за издавањето на еврообврзницата, кое дејствува во ваква политичка клима.