Американскиот Стејт департмент ги отфрли како „смешни“ обвиненијата на турскиот претседател Реџеп Таип Ердоган дека коалициските сили предводени од САД ги поддржуваат терористите во Сирија, меѓу кои Исламска држава и курдските екстремистички групи.
Портпаролот на Стејт департментот, Марк Тонер, рече дека не постои основа за таквите обвиненија.
Ердоган синоќа изјави дека поседуваат потврдени докази, со фотографии и со видеоснимки дека коалицијата предводена од САД поддржува терористички групи, вклучувајќи ја и ИД.
– Нас нè обвинуваат дека ја поддржуваме Исламска држава, а сега тие поддржуваат терористички групи, вклучувајќи ја и Исламска држава – изјави Ердоган на прес-конференција во Анкара.