Битолската полиција го расчистила случајот со палењето на продавницата за чевли во градот, пред три дена, и поднела кривични пријави против П.Д. (29) и М.Б. (42), кои се осомничени дека наговорени до трето лице, со молотов коктел го предзвикале пожарот што го пеплоса дуќанот.
Индентитетот на лицето што ги наговорило осомничените да го запалат дуќанот засега ѝ е непознат на полицијата.
Како што информираат оттаму, тие, во вторникот, рано наутро, откако дошле до продавницата, со бекатон-плочка скршиле еден од прозорците, а потоа низ отворот го фрлиле стакленото шише со бензин.
Според полицијата, третоосомничениот за палењето на продавницата на двајцата битолчани им ветил награда и по настанот им исплатил по 150 евра.
Материјалната штета што ја предзвикале била проценета на околу 1,5 милиони денари или околу 25.000 евра
Од полицијата додаваат дека П.Д. и М.Б. од порано им биле познати на органите на прогонот, како сторители на кражби, недозволена трговија со дрога и на измами.