Повеќе од 900 мигранти се спасени во еден ден во Средоземно Море од три пренатрупани брода на пат од Северна Африка кон Европа, соопшти италијанската крајбрежна стража.
Неименуван претставник рече дека мигрантите биле спасени вчера и оти едно тело е извлечено.
Два брода на италијанската крајбрежна стража и еден трговски брод од непознато потекло спасиле вчера во водите кај Малта 328 мигранти, додека брод на француската морнарица спасил 297 лица, вклучувајќи 50 жени и деца.
Брод на италијанската воена морнарица спаси 286 мигранти, соопшти крајбрежната стража на Италија, додавајќи дека мигрантите се префрлени во италијанските пристаништа.