Шпанската полиција уапсила осум лица осомничени за поврзаност со минатогодишниот терористичкиот напад во Брисел, во кој загинаа 35 лица.
Во полициското соопштение се наведува дека операцијата е извршена во повеќе градови во провинцијата Каталонија и дека апсењето следело по осуммесечна истрага, која е спроведена во соработка со белгиската полиција. Некои од уапсените се поврзани со џихадистички организации, како и со организиран криминал.
Полицијата соопшти дека уапсените се државјани на Мароко, на возраст меѓу 21 и 39 години.