Свет Европа Во Германија уапсен државјанин на Србија кој планирал напад

Во Германија уапсен државјанин на Србија кој планирал напад

Германската полиција уапси 28-годишен државјанин на Србија кој е осомничен дека е исламист кој планирал напад во Германија, јавија германските медиуми. Тој моментално се наоѓа во притвор, каде што чека депортација која би можела да се случи наскоро.

Осомничениот пред неколку недели бил в затвор, но по излегувањето на слобода, кај надлежните органи веднаш се појавил сомнеж дека би можел да планира напади, поради што бил означен како „опасен“.

Србинот одржувал контакти со една мрежа на исламисти, а можно е по примерот на терористот Анис Амри да сакал со камион да влета во поголема група луѓе.

Бидејќи полицијата не го исклучила сомневањето дека тој своите планови би можел да ги претвори во дело, го уапсила во неговиот стан во Оберхаузен.

Судот потоа го прифатил барањето на имиграционата служба, која побарала негова депортација.