Владата на Република Македонија денеска со почеток во 12 часот ќе ја одржи својата 12. седница, на која, меѓу другото, ќе разговара за утврдување распоред на работното време во Владата, министерствата и во другите органи на државната управа.
На седницата ќе се расправа и за состојбите и за напредокот во процесот на европската интеграција, за користењето и имплементација на фондовите од ЕУ, како и за статусот на реализација на приоритетите на РМ за влез во НАТО и за статусот на реализација на Рамковниот договор.
Ќе се разгледува и потребата за изменување на Националната стратегија и Акцискиот план за борба против тероризам, а на дневниот ред се и кадровски прашања.