Лицето кое стои зад масовното протекување на тајните на американската влада е осамен млад човек во 20-ти години, ентузијаст за оружје, кој споделил високо доверливи документи со група познаници за време на изолацијата во пандемијата, пишува Вашингтон пост.
Минатата година, лицето кое некои го нарекуваат со псевдонимот „ОГ“ објавил порака исполнета со чудни акроними и жаргон. Зборовите биле непознати, а малкумина ја прочитале долгата порака, објасни еден од членовите. Но, тој го почитувал О.Г., постар водач на нивната група која ја сочинуваат претежно мажи и момчиња, кој тврдел дека ги знае тајните што владата ги крие од обичните луѓе.О.Г. потоа испратил стотици други пораки кои, според член на групата, изгледале како транскрипти од доверливи разузнавачки документи за кои тој тврдел дека ги донел дома од својата работа во „воена база“.О.Г. велел дека минувал барем дел од својот ден во обезбеден објект каде биле забранети мобилни телефони и други електронски уреди што може да се користат за документирање доверливи информации сместени на владините компјутерски мрежи и во групата кажал дека поминувал часови пишувајќи ги доверливите документи за да ги сподели со своите познаници на Дискорд серверот што го контролира.
Аферата со протечени документи се зголемува – мошне сигурно дека барем дел се манипулирани