Ураганот Ирма го намали интензитетот до прва категорија, но опасноста не е мината затоа што ветерот и понатаму носи сè пред себе, а постои опасност и од поплави. На Флорида е прогласена состојба на природна катастрофа. Досега настрадаа три лица, а шест милини жители на Флорида се евакуирани. Три милиони лица се без струја.
Јадрото на Ирма се наоѓа на околу 40 километри североисточно од Тампа и се придвижува кон северниот и североисточниот дел со брзина од околу 24 километри на час. Се очекува ураганот потоа да продолжи и кон сојузните држави Џорџија, Алабама и Тенеси, но во меѓувреме да ослаби на ниво на тропска бура.
Националниот центар за урагани соопшти дека Ирма и понатаму е опасна по човечките животи.