Украинските сили се повлекуваат од стратегиски важниот град Дебаљцево на истокот на Украина, соопшти член на парламентот кој го предводи баталјонот доброволци.
– Повлекувањето на трупите од Дебаљцев се спроведува по план и на организиран начин. Непријателот се обидува да го пресече патот и да го спречи повлекувањето на трупите – рече Семен Семенченко.
Светските агенции пренесуваат информации на проруските активисти, според кои неколку илјади украински војници се предале во Дебаљцево.
Без разлика на примирјето кое е потпишано во Минск, во Дебаљцев се водат борби меѓу украинската војска и проруските активисти.
Синоќа Советот за безбедност на ОН ја усвои руската резолуција со која се поддржува договорениот прекин на огнот во Украина и се истакнува потребата од почитување на суверенитетот и на територијалниот интегритет на Украина.