Украина сака со Полска да изгради целосно нов гасовод, кој би ù овозможил на земјата целосно да се снабдува со гас од земјите од Европска Унија.
Украинскиот премиер Арсениј Јацењук им наредил на надлежните министерства да почнат со изработка на проектот, а рокот за изградбата и пуштањето во употреба е крајот на 2016 година, соопштија од кабинетот на премиерот.
Властите во Киев сакаат целосно да се одвојат од Русија и да се свртат кон ЕУ, а паралелно со изградбата на новиот гасовод да се решат сите заостанати долгови за рускиот гас.
– Поставив рок, во текот на 2016 година да го отвориме овој гасовод. Тоа значи дека би можеле целиот гас кој ни е потребен да го купуваме од членките на ЕУ – изјави Јацењук.