Во Саудиска Арабија денеска се уапсени 11 принцови, а ќе им биде судено бидејќи организирале протест пред една од кралските палати, пренесуваат саудиските медиуми.
Принцовите протестирале поради укинување на надоместокот за сметки за вода и струја на членовите на бројните кралски семејства.
На саудиската национална гарда, која е задолжена за заштита на кралското семејство, и било наредено да ги уапси принцовите, кои потоа биле затворени во едни од најстрогите затвори заедно со криминалци, екстремисти и припадници на Ал каеда.
На почетокот на ноември, во Саудиска Арабија во акција против корупција беа приведени 11 принцови и 38 поранешни министри.