Авион на „Туркиш ерлјанс“, кој летал на релација Хјустон – Истанбул, бил пренасочен на аеродром во ирскиот град Шенон, поради закана со бомба, пренесува „Раша тудеј“.
Авионот слетал поради сомнителен пакет што бил пронајден во авионот, за кој постоело сомневање дека е експлозивна направа. Екипажот, исто така, добил дојава за бомба.
Тимови за демонтирање експлозив го прегледувале сомнителниот пакет, а во тек е и евакуација на патниците.
Портпаролот на аеродромот во Шенон потврдил дека авионот принудно слетал, но не сакал да коментира зошто.