Тимови за процена за потребите од хуманитарна помош за настраданото население од поплавите испрати Црвениот крст на Република Македонија преку општинските организации на Црвен крст. Најзагрозени и најпогодени општини се: Куманово, Штип, Струмица, Кочани, Прилеп (Кривогаштани) и Битола.
Хуманитарна помош се дистрибуираше на 15 семејства, со пакети во храна во селата Пухче и Степанци , на 22 семејства со пакети со храна, 22 пакети со хигиена и 66 ќебиња за населението од општина Радовиш и од Конче, на 20 семејства со пакети во храна и хигиена и 60 ќебиња во општина Кочани и на 50 семејства со хигиенски пакети, 30 пакети со храна, 30 душеци, 300 ќебиња и 700 литри флаширана вода во општина Штип.