Црвен Крст на Куманово подготви педесетина пакети со храна за најсиромашните граѓани од општината.
Како што соопштија од организацијата, подготвените пакети се изработени од средства кои жителите на општината и кумановските фирми ги донираа во рамки на одбележувањето на Неделата на борба против глад, спроведена во октомври.
– Пакетите веќе се дистрибуираат до екстремно ранливите категории граѓани, семејства со болни деца, со изнемоштени повозрасни членови, на лица со пречки во развојот – вели секретарот на општинската организација, Иле Митковски.