Облак од токсичен гас се надвил над најголемото бразилско пристаниште Сантос по експлозија во складиште на една компанија од хемиската индустрија, а градоначалникот ги предупреди граѓаните да го избегнуваат дождот кој би можел да им предизвика изгореници.
Сопствениците на компанијата рекоа дека контејнерите биле полни со киселини и со средства за дезинфекција, кои според нивна проценка дошле во допир со дождовница, по што настанала хемиска реакција.
Терминалот за претоварање и околните куќи се евакуирани, а жителите се повикани да останат во своите домови.
Неколку лица побарале лекарска помош поради тешкотии со дишење.
Со контејнерскиот терминал управува логистичката компанија „Локалфрио“, а сместен е во Гуаруј, подрачје во источниот дел на Сантос.