Во турскиот парламент, за време на расправата за новите овластувања на претседателот, изби тепачка.
Пратеничката Фатма Каплан од владејачката Партија на правдата и развојот, сакала да го сними гласањето со својот мобилен телефон. На пратениците од опозициските партии тоа не им се допадна, па прво се туркаа, а потоа и се степаа со своите колеги.
Новите уставни промени ги прошируваат овластувањата на претседателот Реџеп Таип Ердоган, а со нив тој ќе може да именува и да разрешува министри, да го избира раководството на партиите и да се кандидира уште двапати за претседател.
За овие промени на турскиот устав, потребна е поддршка од 330 пратеници од вкупно 550 колку што има во Собранието.