VMRO DPMNE-ja ka braktisur bisedimet për mediat për shkak të mospajtimeve me shumicën e propozimeve të shpalosura nga ndërmjetësi Piter Vanhojte. Lajmin e ka kumtuar opozitarja LSDM e cila ka akuzuar se VMRO po vazhdon të mos respektoj detyrimet e marrëveshjes politike.
Nga LSDM thonë se kjo është strategji e njohur nga VMRO DPMNE për evitimin e obligimeve të Marrëveshjes së Përzhinos.
“VMRO-DPMNE vazhdon me strategjinë e zvarritjes dhe mosrespektimit të obligimeve të dala nga marrëveshja e 2 qershorit dhe 15 Korrikut. Rregullimi I mediave është ndër kriteret kryesore pa të cilin zgjedhjet fer, demokratike dhe të rregullta do të jenë të pamundura. Me këtë sjellje, VMRO-DPMNE e vë në pikëpyetje Marrëveshjen e Përzhinës”- thuhet në reagimin e LSDM-së.
Ndërmjetësi belg Piter Vanhaute pret partitë në afat sa më të shpejtë kohor të kthehen në tryezën e bisedimeve.
Nga partia në pushtet nuk ishin të kapshëm për deklaratë lidhur me shkaqet e lëshimit të takimit.