Neto paga mesatare e paguar mujore në muajin mars të këtij viti arrin 21.402 denarë dhe në krahasim me muajin mars të vitit të kaluar është më e lartë për 1,9 për qind, bëri të ditur sot Enti Shtetëror për Statistikë. Rritja ka të bëjë, para së gjithash, në neto pagën mesatare mujore të paguar për të punësuarit në sektorët: “art, argëtim dhe rekreacion” për 9,4 për qind, “aktivitete të tjera shërbyese” për 7,1 për qind dhe “aktivitete për mbrojtje shëndetësore dhe sociale” për 5,5 për qind. Rritje të neto pagës të paguar mesatare mujore për punonjësit në krahasim me muajin paraprak, është vërejtur në sektorët: “miniera dhe nxjerrje të gurit” për 15,6 për qind, “bujqësi, pylltari dhe peshkatari” për 6,8 për qind dhe “tregti me pakicë dhe shumicë”, “korrigjim i automjeteve motorike dhe motoçikletave” për 6,2 për qind. Bruto paga e paguar mujore në muajin mars ka arritur 31.455 denarë. Në muajin mars të këtij viti 1,1 për qind e të punësuarve në Maqedoni nuk kanë marrë paga.