Падот на индустриското производство во август за 5,3 проценти во однос на истиот месец лани не е загртижувачки податок, бидејќи состојбата со производството се следи кумулативно, одговори на новинарско прашање директорката на дирекција во Стопанска комора на Македонија, Билјана Пеева-Ѓуриќ.
Според неа, падот на индустриското производство за осум месеци е незначително мал во однос на истиот период лани.
– Рударството е важен сектор и таму падот е незначително мал. Производство на облека има кумулативен пад од 17 проценти, но тоа не е веродостоен податок бидејќи реалноста е сосема поинаква. Постои оптимизам кај компаниите, состојбите се подобруваат и очекуваме позитивни трендови – додаде Пеева-Ѓуриќ.