Денеска времето во Македонија ќе биде сончево и многу топло, а ќе дува слаб до умерен ветер од југозападен правец, кој во западните и во југозападните делови од земјава ќе се засилува.
Утринската температура се движи од 15 до 22 Целзиусови степени, а дневната ќе достигне од 36 до 43 степени. УВ-индексот ќе биде со вредност 9.
Во Скопје се очекува слично време, сончево и многу топло со умерен до засилен ветер од јузападен правец. Дневната температура во главниот град ќе достигне до 40 Целзиусови степени.
Утре, според синоптичарите, од север ќе се спушта посвежа воздушна маса што на повеќе места ќе предизвика нестабилно време со поројни врнежи од дожд и појава на грмежи, особено во попладневните часови. Локално е можна и појава на невреме.