Руската амбасада во Белград денеска соопшти дека со косовски пасош може да се влезе во Русија само во случај во Русија да се одржува меѓународен настан на меѓународни организации во кои членува Косово.
„Русија, како и низа други земји што не ја признаа независноста на Косово, издаваат визи во облик на специјален формулар што се вметнува во косовските пасоши, а печат за преминување на руската граница не се става во пасошите“, се наведува во соопштението.
Руската амбасада додава дека руската практика е во согласност со српската практика на третирање косовски документи и оти е воведена со знаење на српските власти.
Амбасадата наведува дека не е променет ставот на Русија за Косово, кој се темели на меѓународното право и на резолуцијата 1.244 на Советот за безбедност на ОН.