Хроника Скопјанец загинал во пожар, кочанец се удавил во канал за наводнување

Скопјанец загинал во пожар, кочанец се удавил во канал за наводнување

Две жртви на несреќи регистрирала полицијата во изминатото деноноќие, од кои едната се случила во Скопје, а втората во Кочани.

Вчера, во 16.50 часот, во атарот на селото Грдовци, С.Ј.(42) од Кочани го пронашол својот татко  Д.Ј. (70) удавен во канал за наводнување. Смртта била констатирана од лекар од итна медицинска помош, а притоа не биле забележани видливи траги на насилство. Увид извршиле јавен обвинител и увидна екипа од Полициска станица Кочани,  по што по одобрение на обвинителот, телото на починатиот било предадено на семејството за погреб.

Денеска, околу 3 часот, во стан на булеварот Јане Сандански во Скопје, од засега непознати причини избувнал пожар. При интервенцијата на пожарникарите, во станот бил пронајден починат Н.Н. (23). Смртта била констатирана од лекар од итна медицинска помош, а по наредба на јавен обвинител, телото на починатиот било предадено на обдукција.