Цената на нафтата при тргувањето на азискиот пазар се зголеми откако Европа одговори на нападите на Исламска држава во Париз, а резервите на нафтата во САД повторно се зголемија.
– Нападите против Исламска држава би можеле да ги зголемат геополитичките тензии за нафтата на Блискиот Исток, што би довело до поскапување на нафтата – изјавија од консултантската куќа EY за Азија и за Пацификот.
Францускиот претседател Франсоа Оланд најави формирање широка коалиција против Исламска држава со учество на Вашингтон и на Москва.
Засега, високите резерви на нафтата на глобално ниво и стравување од забавување на европската економија ја одржуваат цената на нафтата на ниско ниво.