Официјален Дамаск денеска го осуди турското гранатирање на курдските сили на северот на Сирија и ги повика Обединетите нации да интервенираат.
Како што јавува сириската државна новинска агенција САНА, министерството за надворешни работи остро ги осудува повторните турски злосторства и напади врз сирискиот народ и врз територијалниот интегритет на Сирија. Сириското МНР, исто така, го повика Советот за безбедност на ОН да ги „запре злосторствата на турскиот режим“.
Турските сили, втор ден по ред, ги гранатираат позициите на курдските борци на северот на Сирија.